Baigorri Argitaletxe S.A.ren Salaketa Kanala

Otsailaren 20ko 2/2023 Legeak, arau-hausteei eta ustelkeriaren aurkako borrokari buruzko informazioa ematen duten pertsonak babesteari buruzkoak, 50 langile baino gehiagoko enpresak behartzen ditu lan- edo lanbide-testuinguru batean arau-hauste penal edo administratibo larriak edo oso larriak detektatzen dituzten eta bertan araututako mekanismoen bidez jakinarazten dituzten pertsonak babestera.

BAIGORRI ARGITALETXE S.A.k, enpresaren barne-araudiaren aurka eta legeen aurka egiten den edozein jokabideren aurrean konpromiso argia du.

Horrela, enpresan edo zerbitzuak emanez lan egiten duten pertsona guztiek zintzotasunez jokatu behar dute eta barne legeak eta arauak bete behar dituzte beren eguneroko jardueretan, eta, gainera, lankidetzan jardun behar dute inork modu okerrean joka ez dezan.

Hori dela eta, Baigorri Argitaletxe S.A.ko langile orok edo enpresa horri zerbitzuak ematen dizkion pertsona orok legearen edo barne arauen aurkako edozein ustezko irregulartasun edo egintza jakinarazi beharko dio.

Ondorioz, eta otsailaren 20ko 2/2023 Legean (arau hausteei eta ustelkeriaren aurkako borrokari buruzko informazioa ematen duten pertsonen babesa arautzen duena), 5/2010 Lege Organikoan eta 1/2015 Lege Organikoan (Zigor Kodea aldatzen duena, arrisku penalak prebenitzeko plana jasotzen duena) eta EB 2019/1937 Zuzentarauan xedatutakoa betez, Baigorri Argitaletxe S.A.k barne salaketen kanal bat gaitu du, edozein jokabide irregular, ez zilegi edo delituzkoa prebenitu eta hauteman ahal izateko.

Salaketaren prozedura

1. Salatzaileak, Baigorri Argitaletxe S.A.ren egoitza elektronikoan jarritako posta elektronikoaren bidez ( salaketakanala@baigorriargitaletxe.eus ) eta araudi honetan ezarritako baldintzak betez, Barneko Salaketa Kanala kudeatzen duen organoari enpresaren barne araudiaren aurkako eta legeen aurkako egitate baten edo batzuen berri ematea salaketatzat hartuko da.
2. Salatzailea identifikatu behar da, eta salaketa inprimakian izen abizenak, helbidea, IFZ edo AIZ eta gutxienez harremanetarako bitarteko bat, telefonoa edota e-maila adierazi behar dira.
3. Salaketek honako eduki hauek jasoko dituzte: salatutako pertsonaren edo kolektiboaren identifikazio datuak, irregulartzat, legez kontrakotzat edo delituzkotzat jotzen diren egitateen zerrenda, salatutako egitateen datak, eta salatzaileak salaketa oinarritzeko eskura dituen frogabide guztiak.
4. Salaketa anonimoak ez dira kontuan hartuko, geroko ikerketa edo prozedura judiziala ezin gauzatuzkotzat jotzen delako; era berean, jarri gabekotzat joko dira horretarako gaitutako Salaketa Kanalaren e-postaz bestelako edozein metodoren bidez aurkezten direnak.

Datu pertsonalen babesa

Lege hau aplikatzearen ondoriozko datu pertsonalen tratamenduek arau hauek bete beharko dituzte: Europako Parlamentuaren eta Kontseiluaren 2016ko apirilaren 27ko 2016/679 (EB) Araudia; abenduaren 5eko 3/2018 Lege Organikoa, Datu Pertsonalak Babesteari eta Eskubide Digitalak Bermatzeari buruzkoa; maiatzaren 26ko 7/2021 Lege Organikoa, Datu Pertsonalak Babesteari buruzkoa, arau-hauste penalak prebenitzeko, detektatzeko, ikertzeko eta epaitzeko eta zigor penalak betearazteko baliatutako datu pertsonalak babesteari buruzkoa.

Ez dira bilduko informazio espezifikoa tratatzeko ageriko egokitasuna ez duten datu pertsonalak, edo, istripuz biltzen badira, bidegabeko atzerapenik gabe ezabatuko dira.